做兄弟有今生未必有來世，四個不同性格背景的男人走在一起，組成BIGFOUR在紅館開演唱會。幾個「60後」男人加埋超過160歲的偶像組合，賣的是溫情跟回憶，賺的是無價友誼。有沒有來世都好，今世已經回本有突。 撰文：何永寧
許志安（42歲）、張衞健（44歲）、梁漢文（38歲）及蘇永康（42歲）組成年逾160歲的BIGFOUR，早前出席鄭秀文演唱會，為他們3月12日開始一連3日共3場的演唱會熱身。嘻嘻哈哈的背後是20多年的交情，三個「60後」加上行年38掹車邊「70後」的梁漢文之間情誼，對現今流行「80後」年輕人來說是很難理解。
演唱會 販賣兄弟情
發言慾頗強的許志安先開腔說：「家嘅年輕人關係比較疏離，成日對住部電腦，變咗唔識同人溝通。佢哋打字會叻過講嘢，我哋嗰代冇乜電車男、隱蔽青年。我哋會比較曉得關懷身邊嘅人，我哋四個人嘅手足情誼未必係驚天地泣鬼神，但值得回憶，希望入場觀眾可以感受到，可以同我哋分享。」
所以BIGFOUR的演唱會不會獨沽一味唱歌，更多是窩心的男人心事。難得正經的張衞健亦一反常態，感性地說：「男人嘅友誼女人好難會明，換番轉男人亦都唔會明女人一樣。女性好易交心，亦都好易翻臉，少少嘢都可能搞到由朋友變仇人。」
吵大鑊 唔可以郁手
健仔續說：「男人唔同，男人好難交心，一交心就會係一生一世，好似我哋咁。女人乜嘢都要講到明明白白，男人拍一下膊頭、一個眼神，唔使講太多就明，呢啲就係男人窩心嘅地方。」一切盡在不言中。
當然一班人相處吵鬧難免，不過BIGFOUR有一個不成文的共識，就算有任何爭吵都只限動口，寡言的康仔蘇永康說：「點鬧都好，就係唔可以郁手。」因為他們知道一動手很難再做朋友。
年紀最輕的梁漢文自豪地說：「識咗20幾年一齊玩大，真係未郁過手，因為大家都好珍惜呢份友情。特別係入咗娛樂圈，更加發覺要搵交心嘅朋友好難，難得大家都係識於微時。」所以這趟演唱會算是他們這份友誼的里程碑，賺的是金錢以外的友情。
大四喜 老翻福祿壽
對於BIGFOUR名字的由來，其實都是一個笑話，話說成立之初原先取名「大四喜」，但被人取笑跟譚詠麟、曾志偉及陳伯祥被人暱稱「福祿壽」相似，所以最後由林海峰拍板取名BIGFOUR。
難得他們除康仔之外，各有喜歡的英國足球聯賽的球隊，所以用BIGFOUR為名正好代表他們各具特色。
不過假如以球員分類，較多主意及搏命的健仔跟安仔會似球隊的前鋒，永遠都要由做後衞的蘇永康及中場梁漢文做調停，總之做得兄弟有今生未必有來世，怎計得那麼多！
攝影：陳慧安
場地提供：彌敦酒店Bali
球迷改名各取所愛
許志安、張衞健、梁漢文及蘇永康組成的BIGFOUR，除了包含打麻雀大四喜的好意頭外，還有把他們喜愛的足球融合其中。
英超四大球會
BigFour其實泛指英國超級聯賽四大豪門球會：曼聯、利物浦、阿仙奴及車路士，球賽各獎盃大都盡落入它們手中。而不少一級球星如利物浦費蘭度托利斯（FernandoTorres）、車路士泰利（JohnTerry）、曼聯朗尼（WayneRooney）等都為旗下球員。不過今年利物浦表現低沉，加上曼城被大財團收購後，有後來居上之勢，故隱隱然英超已進入BigFive時代。
蘇永康冇得揀
自命死硬利物浦迷的許志安說：「我喺BIGFOUR梗係代表利記啦，有佢嗰種打不死精神，就算低潮都好都會逆境自強。」自言鍾情紅色的梁漢文是矢志不移的曼聯擁護者，他說：「舅父（尹志強）係南華出身，自細鍾意紅色，所以我會係曼聯。」而去年成家的張衞健自言代表穿藍衣的車路士，獨剩對足球無多大認識的蘇永康說：「咁我咪阿仙奴囉，我都唔識佢哋話乜就乜啦。」
