熊黛林昨日戴上近千萬元的Graff珠寶，夥拍AnaR.，為積架新車造勢，大會笑熊黛林與該品牌甚有淵源，當年她與城城拍MV時，便在積架跑車前合作，可稱得為紅娘。
拒與Jessica比較
熊黛林昨日沒有谷胸上陣，她笑言：「回復本身size，輕鬆咗，今日size係OK。」問她會否與JessicaC.同場谷胸？她說：「冇機會一齊做嘢，大家做嘅牌子唔同，喺活動撞到都唔介意。」記者指她二人cup數唔同，她說：「我瘦咗好多，不過我都未見過佢真人，唔知點解要比較，佢係sweet陽光女孩，我就成熟啲。」問熊黛林會否驚後浪推前浪？她說：「推咗咁多年，唔使啦，自己知個市場要乜，自己要有進步。」
對於同門的姚予晴榮升業主，她表示有興趣在港置業，她說：「香港未有樓，買唔起，自己都想睇啲五、六百萬嘅樓。」問她選址會否揀住近城城一點？她笑笑口表示：「都有睇過，佢住街頭，我喺街尾，佢勁好多，貴好多，不過自己唔可以咁委屈自己，會買啲好嘢獎勵自己。」
採訪：羅慧敏
攝影：黃文成