因為糖尿病影響而兩度截肢嘅斌仔羅君左，雖然面對一次又一次嘅打擊，但佢都冇輕易話放棄，而且仲以過來人身份勸大家珍惜生命。斌仔嘅堅強表現，受到各方面讚賞，而香港再生會聽日下晝喺九龍灣舉行嘅活動上，仲會頒發一個名為「再生會傑出生命獎」畀斌仔，斌仔噚日同馮仁昭透露，佢已經同醫生請假出席。