內地傳出收緊貨幣政策，搞到內銀股紛紛腳軟，另又有傳言中國銀行（3988）擬以A+H形式供股集資，只係未有確實時間表。
無論上述消息是否屬實，多少都反映內地開始收緊銀根，呢個情況將影響內銀股今年表現。
港股昨回吐147點，收報22269，成交略縮至791億元。港交所（388）續升2.4%，收報150.50元，相信該股仲未炒完，回氣後將再炒上。
上海世博仲有幾個月就開幕，以目前中國盛世，肯定又係全球焦點，一眾業務以上海為主的股份必吸引市場目光，老牌紅籌股上海實業（363）自是其中之一。集團早前分拆醫藥等非核心業務，最近獲母公司注入收費公路及房地產項目，可見未來發展將集中搞地產及基建公路。
上實踏入2010年以來，股價已見回升，昨逆市升3.1%，收報42.05元。上實經過多番重組及注資後，業務定位漸見清晰，地產及公路業務食正世博概念，值得列為今年投資名單。
方星俠