花旗股市喺高位窄幅上落，美元回軟，油價同金價繼續升，睇技術走勢，油價去到88-90美元才會有較大阻力，金價就啱啱反彈，仲可以睇好。
港股噚日高開低收，回吐147點收市，50日線喺21972，就算繼續調整，呢個水平都應該守得住。港股暫時會係上落市，以炒個別為主，可留意強勢股。
利豐C輪18482：利豐（494）昨收33.25元，升1.3%。呢幾日成交增加，噚日升破50日線，短線有機上試36元，破位睇38元，可以諗吓隻C輪18482。
隻輪現價63仙，2010年7月26日到期，行使價30元，溢價9.1%，引伸波幅50.1%，有效槓桿3.5倍，正股見38元，18482睇97仙，正股跌穿31.20元，就沽咗隻輪止蝕。
俊樺