張崇德同老婆劉美娟噚日喺土瓜灣出席兒童電視節目活動，佢哋話雖然湊兩個小朋友好辛苦，但係好開心。問佢兩公婆會唔會再生？佢哋就話：「唔會喇，家兩個小朋友都好需要人照顧。」張崇德話前排帶咗小朋友去打流感疫苗，不過睇報道又話有副作用，跟住仲要打第二針，搞到佢哋有啲擔心咁話。