詹培忠及黃毓民昨日在立法會以惡言互罵，不少市民看過罵戰後均不認同二人行為。
有學生直斥他們公開講粗口，十分「冇家教」，有網民指二人如學生在課堂上嘈交，影響秩序，更譏諷他們「在鏡頭前做戲，玩吓嘢」，便可輕易賺得數萬元薪酬。
「（議員）應該真係做嘢，唔係鬧交，家搞到好似台灣咁，真係不知所謂！」市民一邊搖頭一邊批評詹培忠及黃毓民兩名怒漢的互罵行為，有中年女士慨嘆：「你身為一個議員，又有知識，點解要搞到咁呢？」
諷鏡頭前做戲白賺人工
小學生不知事件來龍去脈，但單看場面即直斥二人「冇家教！」中四學生曾開懦表示，作為政界人物，不應以此方式令他人同意自己的觀點，其同學陳嘉曦對二人行為深感失望，「估唔到幫我哋決策嘅人會咁唔理智，仲（公開）講粗言穢語。」
高登討論區內，有網民形容罵戰如母親教仔般，又指場面猶如學生在課堂上嘈交，「嚴重影響上課秩序，老師（劉慧卿）多次出言相勸亦無視。」
另有自稱「社民連Fans」的網民在有線電視網頁上留言，「無論你係爛鬼，有底或冇底、講粗口或唔識字，只要加入社民連……鬧吓人、玩吓嘢又一日，咩都唔使做。喺鏡頭前做戲就得。」諷刺社民連三名立法會議員「白賺人工」。
本報記者