特區班子可能流年不利，頻頻招惹是非，煲呔去飲奶茶出事，近排連財經事務及庫務局局長陳家強都捲入特權風波。有市民向八方報料，指儍強架AM33座駕喺上月12日，在落馬洲公共車輛交滙處非法停泊，阻塞交通，市民睇唔過眼於是報警。
有濫用特權之嫌
警員到場後，儍強司機仍繼續將架車泊喺度，投訴人認為高官唔應該知法犯法，上前同司機理論，後來仲同司機口角，投訴人質疑儍強容許座駕違例停車，有濫用特權之嫌。八方向財經局查詢事件，獲覆局方都有接獲呢單投訴，陳局長已經知悉事件，至於係咪儍強指示司機停車等佢，局方冇解釋。
新聞秘書稱，落馬洲交通交滙處容許車輛上落客，會查明司機接載局長前有冇喺不准停車等候地方違例停泊，同埋有冇不禮貌對待市民，但由於警方正調查事件，要待警方調查後先處理投訴。