有點兒混淆了！究竟現在買化妝品是買包裝定買內容！這都是shuuemura的錯！之前搵TsumoriChisato做交叉，簡直是化妝界的「攞你命三千」！再走過他們的店舖都要快步走過以防再跌錢，點知，自己衰多眼，又見到shuuemuraSS10推出限量版兼靚絕眼影！唉，雙糧都唔夠畀。
記者︰吳美美
攝影︰楊錦文
Model︰A.Lin@Jamcast
Specialthanks︰Kalliste（27930040）
剛強×嫵媚女人味
究竟有幾多位女士能逃得過shuuemura×TsumoriChisato的掌心，呢個已經係後話，畢竟已踏入新一年，品牌暫不與別牌交叉設計，一於由自身出發，設計了SS10頭炮限量版「egerie」，此字以法文發音，其實是比喻「一位大膽、剛強、具個性的女性，又帶點嫵媚女人味，如何被打造成beanicon」。望過去，圖案像孔雀尾巴般，不用絢麗顏色，改用春夏最常見的粉色系，感覺更和諧親民。其實，世間上真是少見女生不愛粉色。
Steps
1. 先於整個眼蓋位置塗上啡銅色眼影膏打底，再於雙眼皮位置及眼線位置塗上金黃色眼影膏。
2. 在尾骨貼近眼眉位置，塗上藍色眼影粉，手勢留意要向上，像飛起的感覺向後拉，此舉可拉大眼部線條。
3. 於上下眼線位置，先畫上閃銀色眼線啫喱打底，再用閃黑色眼線啫喱畫上閃黑色眼線。
4. 先用緋紅胭脂膏在顴骨位置印上再向上推開，再以光影胭脂粉掃於剛才掃胭脂膏位置，造出層次感，立體效果更重。
5. 最後再用光影膏於C字位輕力掃上，以突出顴骨位置。
6. 因為妝容重點在眼部位置，所以胭脂與唇膏的顏色偏向自然色調，唇膏選擇Beige灰棕色唇膏，以遮蓋唇紋及增強立體感。
貼士
注意！黏假眼睫毛時，最緊要留意膠水份量，特別是頭尾部份，再落多些膠水，再放於畫眼線的位置，固定數秒。
A.Lin：愛上淡妝
今次親身示範shuuemuraSS10春妝的八模之一A.Lin，自言自己出名是個貪靚之人，「好多女仔都好貪靚，經常會接觸化妝品，我自己日日都化妝，到現在反而覺得有點累，漸漸愛上化淡妝。可能平時只用少少眼影，眼線及睫毛液就已足夠，都是選擇自然及淡色。」
王牌假睫有皮氣
今季特意主打的限量版閃爍眼影組合，一Pack兩支，分別屬膏狀及粉狀，兩支合作使用，將眼狀的貼服持久度更加提高。不過，明眼人一睇就知有缺點，就是一Pack兩支無得轉色！呢方面就……你諗你啦！
shuuemura最厲害的絕招假眼睫毛，沒膽識的人口口聲聲話誇張，一旦試上眼就個個爭住搶。今次限量版就只有一款，名叫「皮革閃石彩妝睫毛」，聽個名都夠型。最愛全黑打扮的女生們，來吧！齊齊黏嚟做型女啦！
shuuemura（29181238）
金鐘太古廣場129號舖