A.Lin勤力開工影月曆，當然要好好慰勞自己，她日前聯同好姊妹盧頌之（DaDa）結伴購物，獎勵自己過去一年工作有成績，二人對皮革情有獨鍾，DaDa更有意在身體添上圖案紋身作為禮物，渴望公司批准。
兩位o靚模為追趕潮流無懼大出血，日前結伴挑選潮款皮褸，DaDa喜歡色彩鮮艷多變的款式，她說：「舊年下半年搵多咗錢，拍過MV，又有客串電影，仲有其他活動，所以買嘢獎勵自己，我仲好想紋身，不過絕對唔會係愛的紋身，大家可以放心，但一定要得公司同意。」
齊學泰拳
A.Lin則因為大出血購物，早前一星期花了五位數字，雖然有點肉赤，她說：「暫時都支付得起，覺得自己今年收穫都可以，叫做事業有啲起色。」剛於12月生日的她，獲朋友贈送機票，可惜因工作關係沒有假期，未能享用。兩位姊妹還結伴學習泰拳和跳舞，希望多元化發展，但不想刻意營造成Twins初出道時感覺。
採訪：卓寶花
攝影：陳順禎
髮型：Chin.Gof小白
場地：Season4（利時商場）