o靚模裴殷（A.Lin）以及新邦民女陳嘉寶（Anjaylia）日前去到柴灣一間影樓，為網站Jasco拍攝月曆，二人分別以「搖滾」以及「風」的形象示人。穿上小背心化上濃妝的A.Lin化身成為Rock妹，她也對自己的新造型感到十分滿意。
過去一直以性感打扮示人的A.Lin，早前忽然一改形象，化身成rock妹擔任月曆女郎，新邦民女陳嘉寶則繼續以清純形象配合飄逸造型，成為9月女郎。當日造型師為A.Lin化上濃妝、弄了一頭曲髮，更要求她穿上低胸小背心，與平時的她簡直是判若兩人。
嫌Lavina越底線
A.Lin拍照時收起平時的笑容，事後她看照片時都感到十分滿意，她說：「今次嘅造型同平時真係好大對比，好多時我都係化淡妝，初時我都擔心化濃妝唔係咁襯，我睇相時都覺得好似變咗第二個人，希望我啲fans同朋友都鍾意我呢個新style啦。」
對於師姐周秀娜早前已推出月曆，A.Lin表示一定會捧場，她說：「佢個月曆啲相真係好靚，化妝造型都好特別，睇得出成件事好用心去做。」不過對於鍾蕙芝（Lavina）以及胡心諾（Rainbow）以半裸性感造型拍月曆照，A.Lin坦言不會支持，她表示接受不到二人的性感底線，她說：「我自己一定接受唔到，對於我嚟講真係太過性感啦，所以我都唔會買。」
Anjaylia繼續純
至於以飄逸的打扮示人的Anjaylia，表示第一次成為月曆模特兒感到十分興奮，她說：「月曆可以話係必需品，而且呢樣嘢會放喺屋企一年咁耐，所以我一定要揀一張最靚嘅相，咁等人哋成個9月都睇得咁開心。」
採訪：李珮洳 攝影：陳順禎
