陳法拉自選美出身，經歷4年時間後已攀升至無綫花旦地位，早前更擊敗強勁對手周秀娜成為電影《LaughingGor之變節》的女主角。近日她再獲有影壇教父之稱的王晶欽點，為他監製的新電影擔任女主角，雖由小銀幕跳到大銀幕，但法拉一早已畫定底線，就算穿比堅尼演出，也要看劇情需要！
由王晶監製的電影《撕票風雲》昨日剛上映，男演員有任達華、苗僑偉、女主角一職就落在陳法拉身上。陳法拉在戲內飾演一名警司，跟演下屬的任達華有不少對手戲。
聽任達華意見
法拉笑言為演好這個高層角色，刻意向無綫高層樂易玲偷師，閒時會留意她的言行舉止，她笑說：「做行政同埋負責管嘅人，談吐同眼神都好唔同，而且演嘅係一名紀律部隊人員，難度亦會較高。」問法拉有沒有向任達華的警隊高層哥哥聽意見，法拉笑說：「冇機會見，不過華哥（任達華）都講咗好多佢嘅事我聽，惟有從中偷師。」
法拉又自言演戲經驗尚淺，表現仍未夠火候，她說：「雖然盡咗力，但應該可以再做好啲，仲有進步空間。」無論如何她承認短時間能演出兩套電影，對一個仍在起步的藝人來講是非常幸運。
抗拒拍親熱戲
拍劇出身的法拉又表示拍電影比較舒服，因為拍劇時間較長，她半開玩笑說：「一齣劇有5、6個導演輪住糟躓你，電影就來來去去得一個，你唔唞導演都要唞啦！但係拍劇係一個少林寺，好好嘅鍛煉。」
對於曾經在電視上以性感bratop出現引起全城熱話，被封為性感偶像，法拉原來非常怕醜，她說：「性感底線係着比堅尼，但都要睇劇情同角色，其實都幾抗拒拍親熱戲，因為要放低自己嘅形象，同埋我都幾怕醜！」
採訪：何永寧 攝影：林德雄
場地提供：銅鑼灣JIAHotel
服裝提供：Agnésb.