楊怡與陳茵媺昨日到旺角為家品店開幕剪綵，陳茵媺談到前晚《畢打自己人》播出紀念陳鴻烈的故事，她說：「睇完冇想像中咁傷痛，因為大閆生（陳劇中角色）同每個角色都有個古仔，劇入面大閆生同每一個人嘅事都touch到heart，同現實生活中一樣。」
楊怡收錢攬啜
至於楊怡就笑謂不介意跟緋聞男友黎諾懿合作搵銀，她說：「如果同佢仲好，我蹺住佢出嚟，錫住出都得，但呢樣一定加價，有錢就做，當然唔好過份o架啦。」但她指若要接吻工作，呼籲對手要刷牙，她說：「我嘴角生咗粒瘡，點知同謝天華拍劇錫完，可能有細菌感染。」
此外，楊怡和謝天華前晚在尖沙嘴文化中心外拍攝TVB新劇《魚躍在冬季》外景，劇情講述兩人在街頭吵大鑊，一輪耍花槍後言和，天華攬着楊怡呵番，楊怡就一副投降格。由於兩人對正海皮食西北風，天氣寒冷又多途人圍觀，感覺不大好受，凍到依牙鬆槓的楊怡連續幾次NG，幸好導演也體恤收貨。
採訪、攝影：王連連、李志明、黃文偉、彭琮然