劉心悠（右）噚日一身運動裝束現身尖沙嘴，為下月底舉行馬拉松宣傳，大會邀請埋去年10公里男子總冠軍、鄭欣宜嘅男友MarkRyan（左）出席。劉心悠話參加馬拉松係象徵自己嚟咗香港幾多年，今次係第5年。劉心悠認為運動有助健康生活，講到運動型男士係咪特別吸引？佢話鍾意運動就會思想健康，當然好啦！