港股前日大升456點，噚日再升137點，成交仲勁過前日，有913億元，成交咁勁，升勢應該未完，不過，噚日嘅升市唔係由重磅成份股帶動，即係話仲未係時候大升，畢竟恒指已逐漸靠近阻力位。
港股後市睇好，重磅股未郁，反而好好炒，因為非藍籌股嘅升幅可以大啲。
聯想C輪18964：聯想（992）昨收5.43元，升3.6%。股價走勢好靚，加上呢兩日嘅升勢有成交支持，短線料上試6.10元，破位睇6.40元，可以諗吓隻C輪18964。
隻輪現價1.05元，2010年4月21日到期，行使價4.88元，溢價9.1%，引伸波幅67.1%，有效槓桿3.5倍，正股升上6.40元，18964睇1.78元，如果正股跌穿5.10元，就沽咗隻輪止蝕。
俊樺