汪明荃昨日到中環捧好友馮美基場，出席Kose旗下尊貴護膚品CosmeDecorte活動。自稱首次出席美容品牌活動的阿姐，興奮地向記者推介，不過就不慎倒米，她說：「好潤，好正，我用過最貴係LaMer嘅3、4千蚊樽，呢樽成9千蚊，我咁樣搽一搽都要成百蚊。」
搭飛機口罩保水
阿姐揚言自己得天獨厚，她說：「我40歲前好少用護膚品，大原則淨係要清潔，洗面都係用番梘，喺TVB拍咁耐，只係用佢嘅10元豬油膏落妝，家覺得太油，好彩得天獨厚。我化咗40年大戲妝，都係用內地化妝品，用咗幾十年，諗起都想喊。」她謂現時小心保濕，連坐飛機都會戴口罩、手套和面膜來保水。
採訪、攝影：LawWaiMan