電影《72家租客》昨日舉行煞科宴，該片監製曾志偉突然踢爆，不少客串該片的藝人只收得一封利是和寫有「無言感激」的字條，並謂不希望再有類似情況發生，令台下傳來歡呼。志偉及後謂今次片中演員最少也有四位數字酬勞，但他希望下次可以有合理的市場價。
曾志偉、張學友、鄧麗欣、葉翠翠及一眾無綫藝員，昨日在邵氏影城出席賀歲電影《72家租客》煞科宴。曾志偉在台上說：「唔想再有藝人客串拍，封利是同加張『無言感激』嘅字條就算，希望有合理市價。」此話一出，台下傳來歡呼聲。
邵氏高層黃家禧聽罷即說：「一直以嚟老闆同我講，叫唔好難為無綫藝人，我都有同樂易玲講過，我哋冇搵演員笨，老闆有今日都係靠電影起家。」
袁詠儀收半價
樂易玲也說：「無綫藝員覺得有份參與套戲而感到光榮。」接着她拍一拍志偉膊頭說：「大家唔係因為你拍膊頭，係真心想同你共事。」學友也在台上尷尬說：「我唔知道有咁嘅情況，搞到我有啲歉意，我祝福大家將來唔只無言感激，仲係袋袋平安。」
志偉表示是以藝人協會會長身份為演員謀福利，他說：「邵氏將來都會開戲，希望畀演員一個市場價，唔係一封利是。今次人人都有收片酬，最少都四位數字。」袁詠儀坦言片酬收平了一半，佘詩曼則謂收足錢。
之前有傳因學友所屬的環球與無綫有版稅爭拗，令學友不能唱《72家租客》主題曲。
主題曲大合唱
學友前晚表示該曲是片中演員合唱，故他也會唱，並說：「播唔係問題，MV先係問題。」至於四大唱片公司與無綫的爭拗，學友說：「我1月底出碟，激死我。」
問學友可會亮相亞視和有線？他說：「我自由人嚟，睇乜節目啦。」張敬軒曾說過此事是爭取創作人權益，學友說：「以前好少人出聲，電視台都應該諗吓。」
鄧麗欣就被問到女模特兒遭茅山師傅誘騙性交轉運案，有指方力申曾接觸過該師傅，Stephy說：「佢冇提過，佢唔係咁迷信。」此外，葉翠翠有傳被內地富商包養，她說：「講到我成街都係老細，清者自清。」
採訪：馬建華、何慧斯、李珮洳
攝影：葉君海
