【本報訊】鄭耀棠昨晨面對電視台鏡頭說元旦遊行衝擊中聯辦，令北京震驚，可是他下午立即「失憶」改口，先稱從未使用「震驚」一詞，又說那是其個人分析，不代表中央立場。有立法會議員不排除鄭欲借此刺激更多人上街，令中央須更依靠本地左派力量，抗衡泛民主派。
震驚論被指有陰謀
鄭耀棠昨午主持「政制向前走大聯盟」記者會，被問及元旦遊行震驚北京的言論時，突然改口風指沒有使用震驚一詞，澄清分析只屬個人意見，沒有與中央人士接觸，「衝擊中央駐港機構，對全香港都唔係好嘅表達方式，必然引起中央好大疑慮，但呢個係我自己諗嘅意見。」
他指示威者雖手無寸鐵，「但拳頭都可以樁人，肢體上可以有衝撞」，情況會令北京擔憂，又指社會須思考此「非一般的表達方式」有何影響，「唔好等到殺咗人先去防範。」
立法會議員李卓人指出，以鄭耀棠的身份不可能不知「震驚論」會引起社會強烈反彈，左派一向慣於發表一些「左論」，「刺激更多市民上街，搞到香港好似好亂，咁樣先可以肯定佢哋重要性，向北京拎更多錢嚟抗衡泛民。」