每年財政預算案公佈前幾個月，財爺例牌搞諮詢動作應酬政黨、商會，鬍鬚曾舊年情商李志清畫漫畫軟銷預算案，又有林海峰上鏡幫忙造勢，反應總算不錯，今年佢親自出鏡拍廣告，外界評價似乎一般，喺市民身邊忽然閃出嗰個突兀動作，成為觀眾美談。
有網民惡搞財爺呢個廣告，將佢變成周星馳《回魂夜》版，最驚嚇係劍擊嗰一場，曾俊華揭開面罩，竟然係一個無頭人！加上十分恐怖懸疑嘅配樂，八方日光白白睇都有啲心寒，隨時兒童不宜，自問膽汁多者，可以睇睇 http://www.youtube.com/watch?v=LhGjJ_orXFg。
鬍鬚曾日前喺自己個blog寫，「80後」置業最關注可能係會所設施及物業私隱度，好多80後喺網上慨嘆呢個高官不知民間疾苦，80後邊有資格買樓呀！