今年頭一個交易日港股下跌49點收市，睇落好似麻麻，但係睇番上日花旗股市跌咁多，港股噚日嘅走勢唔算曳，恒指中段升過上22000樓上，日線圖收市現陀螺，喺20日同50日線之間，屬待變之局。
大市成交靜，不過上升嘅正股約600隻，好多升幅都唔細，個市傾向炒個別，可以留意內房股。
中海C輪20109：中國海外（688）昨收16.50元，升0.6%。股價呢排喺低位徘徊，噚日重返10日線上面，短線有機試17元，破位睇19元，可以諗吓隻C輪20109。
隻輪現價23.1仙，2010年6月29日到期，行使價17.38元，溢價19.3%，引伸波幅58.7%，有效槓桿3.7倍，正股見19元，20109睇38.1仙，正股跌穿15.60元，就沽咗隻輪止蝕。
俊樺