盧海鵬及朱咪咪昨日於尖沙嘴為下月公演的舞台劇《審死官》舉行記者會，大會安排咪咪姐送上私伙大奶罩予劇中飾演奶媽的吳浣儀，而鵬哥於台上抱怨眾演員，指有人經常未有出席綵排，咪咪姐表示之前綵排一次後即感壓力，曾一度有辭演的念頭，她說：「原來舞台劇比我想像中難好多，好多對白，而且又要記企位，加上鵬哥要求好高，所以都好有壓力。到時真係記唔到對白，咪袋貓紙囉。」
朱咪咪壓力大
鵬哥對於咪咪姐感覺壓力大說：「咁又係呀！佢又未接觸過舞台劇，佢原本以為好似拍電視劇咁，都冇辦法o架喇，而且現場冇得出貓紙。」鵬哥表示於台上抱怨之後，希望情況可以改善。至於拍攝亞視節目《香港亂噏》，鵬哥更勞氣說：「上個月已經停咗，原本以為今個月再開，亞視又冇聲氣，不過都好咪專心排舞台劇囉。」
採訪：王崇穎
攝影：陳俊強