舞台劇《秒速18米》前晚演出完畢，一班演員鮑起靜、高皓正同廖啟智喺觀塘慶功，鮑姐話尾場個個演員激動到喊，觀眾反應好好，佢都未試過謝幕謝咗20分鐘咁耐，搞到個劇超時。問佢老公方平有冇嚟捧場，鮑姐話：「佢唔喺香港。」即係佢老公睇唔到佢扮惡媽嘅威力，鮑姐話練氣練到把聲好勁o架，睇怕以後鬧人可以好大聲。