轉眼間又一年，港股去年峯迴路轉，恒指全年升逾5成，不過好多股民除咗追番啲賬面損失之外，可能新嘅投資斬獲唔多，預祝大家今年有好理想嘅投資成績。
年結日恒指勁升375點，報收21872，升破20日線，走勢好靚，今日再推高嘅機會好大，不過22000阻力唔細，破唔破到位要睇成交。
華潤置地C輪18971：華潤置地（1109）上周四報收17.64元，升4.2%。股價喺低位整固咗7日之後炒上，睇勢會上試18.25元，破位睇20元，可以諗吓隻C輪18971。
隻輪現價25.5仙，2010年4月29日到期，行使價17.20元，溢價11.9%，引伸波幅58.3%，有效槓桿4.1倍，正股見20元，18971睇41.3仙，短炒水位足，正股跌穿16.80元就沽咗隻輪止蝕。
俊樺