公民黨陳淑莊Tanya「粉絲」與日俱增，尤其受年輕泛民支持者歡迎，元旦大遊行當日，更有「艷遇」。話說一位年紀小小嘅男粉絲，一見Tanya現身就趨前大讚佢好靚女，其後更加喺大庭廣眾公開向Tanya「示愛」，大膽問Tanya可唔可以即席獻吻錫佢一啖？
表示好感會搞出大頭佛，咀人一啖容乜易都一身蟻？Tanya惟有話感謝小粉絲嘅好意，多謝佢咁捧場，婉拒咗呢位粉絲嘅索吻要求。但呢位粉絲好堅持，其後一直喺Tanya身邊團團轉，仲隔空送出飛吻，令Tanya「受寵若驚」，強調粉絲如果真係支持佢，最好喺佢辭職後再補選時以選票支持喎。