鄧麗欣（Stephy）、MandyLieu與ZeliaZ昨日在銅鑼灣出席護膚品活動，三女姍姍來遲，足足遲了個多小時才到場，問Stephy為何遲到？她解釋說：「我哋冇遲到呀，之前去咗兩個唔同地方剪綵，附近又好塞車，可能大會同傳媒溝通上有問題，真係唔好意思，新一年希望大家做嘢都要開開心心。」
Stephy表示新一年自己都有新大計，除了會再出書外，還希望可以推出國語碟，進軍內地市場。問她能否操流利普通話？她說：「都OK，因為平時都有講，不過會搵老師學國語。」之前她被批評英文差，現在又要學普通話，豈不是很忙？Stephy謂：「咁學咗嘅嘢都係自己嘅，咁學國語會比英文有信心，英文真係比較少講，家搵咗個外國老師教我英文，希望可以有進步。」
Mandy四圍搵食
另外，Mandy這個聖誕新年都留在港度過，她說：「我契媽嚟咗香港，我哋好似遊客咁，周圍去參觀同食嘢，好開心，我未試過喺香港留咁耐，原來香港聖誕氣氛好好。」男友陳柏霖有工作在身，未能陪伴，不過Mandy表示有契媽陪都很足夠，新一年希望大家健健康康，最緊要開心與知足。