黎明（Leon）由聖誕、除夕忙到新年，由美國飛往上海再往澳門，元旦夜Leon帶同「雙J」文詠珊（JaniceMan）及衞蘭（Janice）到澳門開騷掘金。早前美國之行，Leon其中一站是拉斯維加斯，即當日秘密和樂基兒註冊結婚之地，可惜老婆未能同行分享甜蜜回憶。
踏入新一年，黎明馬不停蹄四圍去，繼之前聖誕飛美國登台後，前晚又帶「雙J」文詠珊及衞蘭到澳門演出巡迴演唱會，當晚全場爆滿，部份fans之前更跟足Leon到美國捧場，當晚又再到場支持，果然十分忠心。雖然是夜大部份是Leon的fans，但當身穿露肩白金珠片短裙的JM出場，仍獲得不少觀眾拍掌打氣支持，可能因JM金光閃閃好意頭，故此甚受歡迎。
爆同事過關瘀事
至於放棄出席商台頒獎禮的Janice則以一身黑色打扮出現，雖然衣着不及JM搶眼，但她以歌聲搭夠，同樣得到不少掌聲。Leon也換上全新黑色皮西裝上台和女舞蹈員大跳勁舞，他又再展現金句王本色，大爆工作人員早前美國過關時的瘀事說：「過關時關員問我哋個工作人員喺美國住邊間酒店，佢一直講Tajmahal酒店，但佢發音就十足講到『Touchmyheart』咁，搞到個關員聽到一頭霧水，最後仲要安排工作人員入房接受查問，搞咗成半個鐘先搞清楚，好彩冇令個關員誤會咋。」而美國一站Leon亦有到當日被本報踢爆秘密和樂基兒註冊結婚的拉斯維加斯，不過今次老婆未能同行一同回憶當日情況。
JM購物大出血
JM今次隨Leon到美國登台興奮地說：「好開心，我乘機四圍shopping大出血，另外又抽時間同當地親友見面，所以好開心。」適逢當晚同公司的李治廷在商台頒獎禮中得到男新人金獎，JM和Janice在後台即時和他通電祝賀，並表示回港後要好好慶祝一下。
撰文：葉雪