兩老表正喺英國攻讀大學，彼邦最近風雪飄搖，據悉兩兄弟都話難頂；我對上一次去英國睇波，已經係兩年前嘅聖誕前，一向怕熱唔怕凍嘅我，唔覺得太凍，反而最難頂係當時英鎊匯率高企，貴過家近3成。今個月尾下個月頭，阿仙奴會接連遇Big4其餘3隊，咁正嘅戲碼，真係心郁郁。
平極都要消費，從來喜獨來獨往嘅我，仲有時間諗諗；但係講投資，有人話買股票風險高，隨時會變廢紙，點都唔及外幣穩陣，澳元近排升過龍，英鎊卻殘，人棄我取，趁新一年買番啲，日後去玩都有平錢使喎。英足盃都唔係隊隊重視，但米禾爾例外，主場勢勁唔怕高一級英冠嘅打比郡，上盤照捧。
蘋果波神
近5場往績：LWWLL
讓球：米禾爾（上）
心得：新年新勢力抬頭