上月燈神
今日係我嘅型男偶像竹野內豐牛一，佢屹立日本藝能界十幾年，無論做乜角色都咁型，掂！竹野內雖然又型又帥，不過，演技都好得，佢除咗拿手扮沉鬱嘅角色，好似喺《人間之證明》嘅棟居，做陽光大男孩又得，代表作就有《BeachBoys》。不過，我最鍾意就係佢做啲略為搞笑嘅角色，好似喺《Boss》入面嘅好色但做得嘢嘅上司野立，嗰種喜劇感，拍得住古天樂o架！佢仲憑《Boss》奪得2009年日劇學院賞最佳男配角。聽聞《Boss》打算開拍第2輯，真係好期待呀！不過我個人覺得，竹野內唯一遺憾係叫就叫做一線，但始終做唔到天王囉。
講返推介，熱刺其實同竹野內都有點相似，成日都被稱為實力分子，甚至係爭標黑馬，但喺聯賽終始發唔到圍。不過唔緊要，熱刺喺本土盃賽度搵到自己杯茶，踢盃賽特醒，今迎英冠護級分子彼德堡，直取熱刺「主勝」。
吾中
近5場往績：LLWWW
讓球主客和：熱刺勝[-1]
心得：熱刺要喺盃賽發圍