【本報訊】劊子手揮不去、滅聲器擋不了，先行者的苦難是民主花的種子，一個劉曉波倒下了，千千萬萬個有名的、無名的鬥士站起來。昨日的遊行隊伍中，有首次參與遊行的新丁，有自89年六四後再沒上街的中年人，齊聲呼喊不再逆來順受的心願。有立法會議員將於1月13日大會提出釋放劉曉波動議辯論，呼籲巿民當日包圍立法會。 記者：張嘉雯、張文傑
由支聯會、教協、獨立中文筆會及其他巿民組成的隊伍，昨日拿着「釋放劉曉波」的標語，提着資深傳媒工作者方蘇繪畫的劉曉波巨型肖像，逾百人走在遊行隊伍的前列，爭取釋放劉曉波，要求結束一黨專政。
在隊伍中的時事評論員程翔形容，法庭對劉曉波的判決是重大錯誤，「我哋係畀呢個判決逼出嚟嘅，相信今日站出嚟嘅人，都係極之不滿，佢咁做係違背憲法中對人民嘅承諾、違背兩個國際人權公約對國際社會承諾，亦都違背佢對人民話要清除寃假錯案嘅承諾。」
中國政府違憲不公平
程翔指香港在中國現代化過程中一直起示範作用，鼓勵香港人繼續發聲，「香港人要喺中國國土上最自由嘅地方，憑自己良心講說話，發出一啲聲音，等當局唔好一錯再錯……每個人憑良心做事，每個人承擔責任，我哋國家先有進步，我哋民族先有希望。」
自89年六四後再沒有上街的謝先生，昨日與妻女遊行，為的是劉曉波，「○八憲章內容只係好普通，中國政府咁樣做係違憲、好唔公平，我對個判決好唔滿意，所以專登帶個小朋友嚟一嚟。」其9歲女兒直言中央的做法「唔makesense」，「佢只係寫咗啲嘢，搵啲人支持，要佢坐11年監係好唔啱。」
謝先生認為現時社會越來越傾斜，「傾向晒啲有錢佬，香港社會越嚟越差。下一代一定要爭取，唔爭取就係咁o架喇，我唔想佢逆來順受。」
香港大學二年級學生陳盈敏為了劉曉波，昨日首次上街，「由四川嘅豆腐渣工程到家，內地都無心改革，亦都無心推動民主，如果肯釋放劉曉波係一個里程碑，對內地嚟講係一個民主希望。」與她同行的大學生黃賢富則認為學者應有言論自由，「只有唔文明嘅國家先會以言入罪。」
專欄作家林先生相信北京的做法是想殺一儆百，「但可能起咗一個反作用，就算係大陸呢啲嚴重壓迫嘅地方，都可能會有更多嘅人參加呢場運動。」
遊行人士創對聯支持
62歲吳先生欣賞劉曉波堅持留在國內，為民主出力，「雖然佢被判重刑，但一個劉曉波倒下，仲有千千萬萬個劉曉波，雖然我年紀已經好大，但係未來我會繼續支持佢同埋佢太太。」
30多歲的任先生早上參加社民連單車遊行後，創作了聲援劉曉波的對聯，「曉日高昇中國民主燃希望，波瀾壯闊香港公投創未來」。他參加了今年所有爭取民主的遊行，對劉曉波被判刑表示憤怒。