上一季日劇，對《東京DOGS》好有期望，點知都係不外如是。講真，如果唔係由小栗旬同埋吉高由里子主演，睇怕我眼尾都唔會。反而我一直冇留意嘅《JIN》（仁醫），就贏晒口碑同收視。聽吾中講佢都有睇過原著漫畫，確係相當出色。雖則男主角大澤隆夫我麻麻哋喜歡，不過呢齣劇勝在故事搭夠，加上有我好欣賞嘅實力派演員小日向文世，同埋靚女綾瀨遙，睇嚟值得一睇。
講番今個禮拜啲波，伯明翰自楊生入主後旺到你唔信，仲連續11場不敗。拆禮物日睇過佢哋對車仔，或者佢哋人腳麻麻，但踢落有料到，所以今晚喺英足盃第3圈作客英冠球隊諾定咸森林，信多佢哋一次，平手值捧。
青蛙仔
近5場往績：WWWLL
讓球：伯明翰（平）
心得：伯明翰旺到你唔信，無謂作對