前局長葉澍堃退下來之後逍遙自在，全職吃喝玩樂嘆世界，寫食經、酒經變成另類「名嘴」食家。佢近日又有新動向，娛樂圈大亨林建岳旗下上市公司麗新發展噚日宣佈，委任葉澍堃做獨立非執行董事，即日生效。
葉澍堃同時係其他三間公司獨立非執董，分別係英國上市YangtzeChinaInvestmentLimited、華潤水泥同新昌管理，做三間公司高層，每年酬金分別為約230,000元、69,000元同53,000元，做麗新非執董每年酬金則有150,000元，岳少都算闊佬，因為佢同葉澍堃老友囉，合養馬匹千兩寶寶，呢個「友情價」酬金，唔算多嘞。