期指結算前夕港股靜得可憐，全日成交只有344億元，作為今年全球IPO最勁嘅市場，好似有啲格格不入，不過期指嘅成交就一啲都唔靜，港股喺100日同50日線之間反覆咗好耐，家等消息出現單邊市。
大戶未有大動作，股民暫時炒個別，市況靜炒賣只宜細細注，唔可以大貪。
中鐵C輪16120：中鐵（390）昨收6.04元，升1個價位，早前跌過落5.65元低位，走勢好曳，家上番6元樓上，形勢好得多，上破6.26元，看6.60元，可以諗吓隻C輪16120。
隻輪現價9.1仙，2010年9月29日到期，行使價6元，溢價14.4%，有效槓桿3.8倍，正股升上6.60元，16120有機見12.6仙，如果正股跌穿5.75元，就沽咗隻輪止蝕。
俊樺