既然男女都愛上影相，有無想過進一步活用手上靚相，自製成月曆，在2010年作一個新的好開始。加上現在部份打印機都內置了自製月曆功能，唔使用Excel搞一大輪，要落實執行，話都無咁易。
記者：陸俊雄
攝影：王文忠、陸俊雄
Model：Pinky@PureModels
大相放廳
如果想將月曆放在大廳當眼處，咁最好印個接近A4Size先得。平平地千鬆啲蚊，可選擇CanonPIXMAMP568。的確，外形上已好大分別，同埋操作上唔夠SELPHY簡單易明，不過步驟並不算難。做法一樣係插張卡入去，揀日曆列印，StepbyStep大同小異，更可以1張過包晒12個月都得。話佢唔夠簡易，好大程度因為芒太細，字也細，細項多分了幾個。再者，第一次印時，佢都Load得幾耐，最少等3至4分鐘，但往後再印時，又意外地快，嘔出來一樣。另外，用同一張相片，SELPHY因為細張，印出來較Sharp是正常，但同時也較MP568來得紅，這點要注意。
假期對照
月曆相呢家嘢，你當然可以學某些o靚模要幾性感，有幾性感。不過未有頭緒的話，建議你可從節日、假期、四季等來做相片主題，免得張張沙龍寫真咁。而且最好搵定一個2010年的月曆做對照，每年梗有唔少公司送個畀你，並唔難搵。況且有自製月曆功能的相片打印機，都可自訂假期，例如本來星期日全部預先用紅色，但其他公眾假期卻要你親手點出來，所以一定要有個現成。
小綠寶貝
「唔係，佢用頭槌呀。」最近又見番細細部的CanonSELPHYCP790賣廣告。呢部機唔只外形夠Cute，佢仲有自製月曆功能，而且步驟極之容易。舉例你插張CF或SD卡入去，按Menu揀日曆打印，然後已經有6個橫直的式樣可以直接應用。接住例牌要揀年月日，就可以即印了。睇SELPHY打印的過程係幾有趣。由於佢係4色打印，所以會睇住佢吸張相紙入去，再喺尾後走一部份出來，然後又吸番入去，直至4色逐一打印完為止。你可以話最美中不足係成品出來比較細，但月曆跟SELPHY一脈相承，同樣Cute味十足，放梳妝台一絕。
查詢：Canon（31912333）
