昨日大市成交進一步縮減至344億元，反映股海好多朋友仲係放緊假，無乜搞作之下，證券行內唔少散戶抵不住悶局，伏在案上打瞌。
股海無風不起浪，散戶最驚係十個牛皮九個淡嘅局面，所以索性唔炒唔錯。能征慣戰者當然照樣落場，但就炒得好精，策略多數係跟紅頂白，好似呢輪新股有得炒，佢哋就專攻呢個範疇。
新股初登場冇往績包袱，成為近期靜市短炒精選，好似日前推介的中國玉米油（1006），股價已升至6.13元，不但升破原定目標價5.80元，簡直係超額達標。
另一隻強勢半新股龍源電力（916），主攻風電業務，其風電總裝機容量計，在內地及亞太區排第一，全球排第五。
龍源股價昨逆市跌1.2%，收報10元。該股連升5日後出現整固好正常，如果守穩10日線9.63元，料伺機再破頂。至於短線高位則難估，即使升至12元，與現價比都不過升20%，隻股要升，幾日貨仔就到位，如果見隻股恢復強勢，不妨入市短炒，目標價如上，跌穿9.30元止蝕。
方星俠