組合Iloveyouboyz（艾粒）將於未來一年拆夥，他們前晚演出尾場舞台劇，少爺占哭着感激Donald及Donald女友張詠恩，Donald眼紅鞠躬，張詠恩也哭得激動，場面感人，少爺占謂未得組合金獎並不遺憾，還揶揄得過金獎的新人現已不知所終。
艾粒前晚在理工大學演出尾場「艾粒普世歡騰核能人2009」舞台劇，二人自此拆夥，只合作做電視及電台節目，收錢騷及其他演出則暫停至少一年。古巨基、薛凱琪、謝安琪、張繼聰及Donald女友張詠恩都有捧場。
女友台下淌淚
謝幕前，少爺占感觸地說：「估唔到最初做廣播劇，多年後有唱片公司高層畀機會我哋，但佢已經捧另一個人，轉咗去色情方面。」他指的是周秀娜經理人。少爺占續說：「我哋各自下一年做自己嘢。」突然他變得很激動地說：「希望大家唔好覺得功勞係我嘅，Donald做得好好，只係我比較吸引少少，畀啲支持Donald。」說罷少爺占即哭了出來，Donald眼紅紅不停鞠躬，少爺占再說：「其實好多人想出碟，但我哋好折墮，家揀唔出。」
少爺占又謂日後他們若在更大場地演出，可憑當晚票尾有優惠，他又特別感謝Donald女友張詠恩，Donald則感觸地望着女友，台下的張詠恩也泣不成聲。
事後Donald與少爺占在後台開香檳，Donald笑說：「我知自己喊會好瘀，所以前一晚喺屋企喊咗先。」但其女友也哭得很激動，Donald說：「我都問佢喊乜，又唔關佢事，不過我都好感激佢支持我。」
自爆收入五甲
談到二人在台上大爆初入商台時，DJ收入排行榜中森美是最高的，問二人現年收入可是DJ五甲？他們數數手指後承認。至於拿不到頒獎禮的組合金獎是否很遺憾？少爺占說：「啲新人攞完獎都唔知去咗邊啦，攞獎要自己受得起，今年都冇必要頒畀我哋，出年都唔做咯，留番啲機會畀其他人，我哋睇好HotCha。」
採訪：馬建華
攝影：陳順禎