北角係香港福建幫重鎮，亦係蔡菜子最緊張嘅票倉，但自從佢入唔番立法會，呢個票倉都可能要拱手讓人。葉劉淑儀下月初將匯賢智庫位於西灣河嘅社區服務中心搬到北角，表明係要進一步拓展東區地區服務，加強與社區聯繫，擺明車馬打蔡菜子票倉主意。
北角服務中心下星期一舉行開幕儀式，葉劉請到兩個福建幫大老做剪綵嘉賓，分別係福建社團聯會永遠名譽會長盧文端同福建社團聯會主席林樹哲，有兩個份量十足人物祝福，相信葉劉獲福建幫支持冇甩拖。
除咗爭取左派福建票，葉劉亦好重視年輕人選票，今個月中又同facebook網友飯局，一於左中右、老中青通殺。