曼聯大勝侯城3:1，朗尼個人「包辦」4球！你冇睇錯，我冇寫錯，係4球；曼聯入嘅3球全部都關佢事，連侯城破蛋個球12碼，都係朗尼仔送嘅，所以話朗尼今場名副其實係天使魔鬼混合體，做晒主角啦！
一個入球3個「助攻」
唔好睇戰果係3:1就以為曼聯贏得好輕鬆，查實主場嘅侯城踢得唔錯，如果唔係畀朗尼仔完半場前嘅快射破網而打窒條氣，話唔定今場嘅賽果會有唔同。不過神又係佢鬼又係佢，唔知朗尼係咪因為場波太悶而踢到發晒夢，竟然冇啦啦回傳自己禁區，但係又唔夠力畀法根偷到，間接累拉菲爾達施華輸12碼，畀侯城喺59分鐘追平。
自知孭晒鑊嘅朗尼即刻dup晒頭，搵手掩面冇面見人，啱嘅，如果因為佢呢腳大意失誤而冇咗2分，話唔定費Sir會嬲到重施飛砵絕技！決心要將功贖罪嘅朗尼即刻醒晒，結果佢嘅努力得到回報，佢係73分鐘嘅傳中球逼到唐臣擺烏龍，令紅魔再度領先，我求大俠見朗尼「得咗」個樣，真係仲興奮過自己「士哥」。
冇罪一身輕嘅朗尼之後再妙傳貝碧托夫，將紀錄鎖定成3:1。埋單計數，朗尼今場1個「士哥」、3個「助攻」，仲唔係「包辦」4球，今場玩晒！朗尼賽後好識做，公開「耍冧」：「做罪人嘅感覺真唔好受，好彩最後贏到波，如果唔係我一定好唔開心。」
你睇吓，朗尼幾識講嘢，果然係世界仔，唔怪得費Sir咁錫佢：「佢係有犯錯，但已經將功補過，佢今場表現無懈可擊！」
熱刺2:0打沉韋斯咸
頭場另一場倫敦打吡，熱刺憑莫迪歷聯賽「開齋」，以2:0輕取來訪的韋斯咸，升上前4之餘並打沉對手之前的護級氣勢。此戰為莫迪歷自8月份以來首次任正選，他於11分鐘接應艾朗連儂右路傳中後射入。迪科爾完場前9分鐘勁射得手把比數改寫成2:0。熱刺近4場聯賽第3場勝利後，20戰得37分，落後少賽兩場的阿仙奴1分排第4，較少賽1場的阿士東維拉多2分。
至於伯明翰延續長勝盤路，作客憑謝路美建功客勝史篤城1:0，連續11場聯賽不敗，盤路亦然。
周一部份英超戰果
星期一3 布力般流浪2:2(0:0)新特蘭
星期一4 車路士2:1(0:1)富咸
星期一5 愛華頓2:0(0:0)般尼
星期一6 史篤城0:1(0:0)伯明翰