港股噚日放完假，食住花旗升勢繼續炒上，上午收市恒指仲保住166點升幅，不過晏晝賣地成績差過市場預期，恒指倒跌36點收市，報收21480，不過成交378億元，沽壓唔算大。
睇番白石角兩幅地皮，信置（083）佔咗大部份權益，股價上試阻力位，升破15元可吼相關C輪。
中交建C輪17693：中交建（1800）昨收7.43元，升1.5%。呢隻大弱勢股近日以小雙底回升，噚日以大成交突破20日線，短線可以諗吓隻C輪17693，博正股升上8.20元。
隻輪現價3.5仙，2010年6月21日到期，行使價9.08元，溢價26.9%，引伸波幅43.5%，有效槓桿6.1倍，正股見8.20元，17693睇6.2仙，正股跌穿7.15元，就沽咗隻輪止蝕。
俊樺