佳節想同家人歡聚係人之常情，不過一班NBA球員喺聖誕佳節都要比賽，呢個安排一直都有反對聲音，今年就加埋魔術教練史坦雲根迪，佢話魔術被安排喺感恩節、聖誕節、新年等節日打波，搞到冇晒時間陪家人。除咗魔術之外，畀「惡搞」嘅球隊仲有馬刺，佢地喺「拆禮物日」晚11點先至打完公鹿，之後立刻飛去紐約，搞到凌晨4點先有得瞓，之後周日晚上6點就對紐約人，班球員梗係冇晒態。好彩4屆總冠軍馬刺收放自如先最終以95:88擊敗紐約人，教練普波域治用反話力讚賽程安排：「這是一個『合理』嘅安排，應該大力推廣！」