前晚在新城頒獎禮滿載而歸的容祖兒，昨午現身葵芳新都會廣場為演唱會DVD舉行簽名會，200多位歌迷冒雨等候。祖兒在台上分享入行十年感受，大會安排十位芭蕾小妹妹獻花，有歌迷送上花園模型祝賀偶像越來越紅。
DVD銷情理想，售價更炒高一倍至300多元，祖兒表示正加印，希望歌迷忍手不要買貴碟，她也買了100隻送給朋友分享喜悅。
自嘲宅女
早前祖兒入紙紅館申請明年底檔期舉行演唱會，她說：「唔知紅館會唔會批出檔期，不過我都會用一年時間練定絕招。我都好恨似鄭秀文咁喺節日時間開騷，喺舞台同大家分享，平時我係宅女，只係工作先見咁多人，有呢啲人氣係好，自己冇咁dry。」但她透露並非申請聖誕檔期。
談到鄭秀文形容自己乾涸似沙漠，祖兒笑言自己乾似山火紅色警報，只要有人擦過便着火，問到是否急於着火？她說：「今日俾雨淋熄咗，希望2010有啦。」
採訪：馬建華
攝影：黃文成