最近一坐最巨郵輪海洋綠洲號，除咗船上的刺激飛索、海洋劇場令人嘩嘩聲，估唔到餐廳的水準都令人喜出望外！船上大部份餐廳和小食免費任食直到你飽到行唔郁為止，服務仲好體貼，話說我嫌牛肉太熟，侍應見我唔滿意，5分鐘後已端出mediumrare的完美燒牛肉！除此之外，日本餐廳亦首次出現在同系郵輪上，食得多牛扒pizza，都可以轉吓口味食壽司、烏冬，雖則要另外畀錢，但價錢抵，像三文魚卷一碟七件才4美元（約$31.2），仲平過city'super，任你點食都唔會肉痛！不過最難忘的一餐，都係位於中央公園的150餐廳。要試這間船上最華麗最高級的餐廳，6道菜晚餐須另外付出35美元（約$273），又要穿上正式西裝，但絕對值得，單是用來配麪包的天然鹽，已有6款之多！款款味道不同，來自不同國家，有些更有雞蛋的味道！更難得的是餐廳主廚居然是只得23歲，曾在世界年輕廚師大賽勇奪冠軍的金髮美女！試過她拿手的Trioofduck，將鴨做成3款不同口感的鴨鬆、鴨胸和炸鴨肉球，和牛亦配以卜卜脆的煙蘑菇，配搭新鮮，口感豐富，上到船絕對要試！
海洋綠洲號11日7晚東加勒比海郵輪套票，包美國大陸航空來回香港羅特岱堡機票及7晚郵輪住宿，每位$17,300起。
海洋綠洲號
郵輪嘆美食
囗食物免費任食，部份餐廳收取少量費用，但物超所值
囗沒有中國餐廳，只是偶爾有中國菜如炒飯在自助餐中提供
查詢：23161308（皇家加勒比郵輪）