同樣都係姓蘇，雖然蘇芬妮唔識睇相紫微斗數，但憑住多年經驗同理性分析，下年邊個藝人名人上到位當然走唔出我雙眼。周秀娜今年紅遍電車界，出年仲會轉型拍電影，睇佢咁有諗頭兼醒目，相信喺影圈創另一個高峯絕對唔難。至於高海寧若果出年繼續發功豁出去，憑住佢嘅「天然胸」，都應該穩坐性感女神寶座。喺各個界別，蘇芬妮都有心水，風水佬就話呃你十年八年，準唔準，大家就放長雙眼睇喇。
撰文：蘇芬妮
電影界 周秀娜
o靚模周秀娜09年吸水肯定勁過吸濕大笨象，書展時求其拍一輯擦牙倒奶照片，已幾近反轉娛圈；動漫節推出人形攬枕，又令未成年少男寢食不安；年尾 食出噴血月曆，務求榨乾電車男的血汗。女神拋胸屈機嫌難度低，揚言明年會踩過界轉戰影壇，且看到時可會創造影壇傳奇。
足球界 陳肇麒
明年南非舉行世界盃，全城又會陷入足球狂熱，電視台以靚仔球星作招徠也是意料中事。港足救星陳肇麒炙手可熱，由他擔 旁述或嘉賓，至少比一班沒頭沒腦的明星對着螢光幕齋噏來得專業。監製錢國偉又可以起用陳七夥拍o靚模拍《港足夢飛翔》，話唔定到時又多幾個o靚妹黐埋身！
模界 JessicaC.
09年，o靚模騎劫模特兒界，混血名模AnaR.、AmandaS.等被一眾袒胸露乳的o靚模打到落花流水，幸好最近殺出個「Canon甜心」JessicaC.，為師姐攞番個尾彩。這位21歲的中、美、菲混血女模，頻頻接內衣、泳衣騷，狂晒時大時細的34C警鐘胸，令電車男口水滴濕芒。相信JessicaC.是來年唯一可跟o靚模爭一日之長短的模特兒。
騷胸界 高海寧
女星晒胸從來有價有市，不過在一眾疑似打假波的肉海迷陣中，新晉咪神高海寧忽然以34D「天然胸」豎立旗幟，當堂令電車男刮目相看，再者過氣咪神徐淑敏放產假要柄埋一年，高海寧乘虛而入，完全符合達爾文適者生存定律，只要高海寧堅守豁出去的原則，大紅大紫可說是指日可待。
電視界 吳卓羲
吳卓羲自從05年與欣宜世紀一吻，又在電器廣告高呼賣飛佛後，事接二連三，最慘被網民鎖定為恥笑目標。在谷底韜光養晦4年，吳卓羲近日終憑劇集《巴不得爸爸...》的生鬼演繹獲網民讚賞。說實在，當你領教過橡膠穎的木口木面、鄧健泓的浮誇猙獰後，都是時候換一換口味吧。
歌唱界 G.E.M.
09年樂壇出現怪現象，唱得的衞詩（Jill）跑去吸毒，走音的傅穎、謝安琪走晒上台，連徐子珊、胡杏兒都話要出碟。18歲巨肺新人王鄧紫棋（G.E.M.）的出現，剛好成為濁流中的一股清泉，金魚嘴嘟嘟的她唱功超晒班，2010年還有樂壇的話，G.E.M.應該玩晒。
復活界 鄭伊健
鄭伊健近年事業人氣大不如前，娛圈這片肥田，不再由陳浩南揸弗。在谷底度過幾年艱難歲月，人人以為他從此一沉不起，今年竟貿貿然到紅館開騷，《友情歲月》等舊歌響起，全場觀眾無不瘋狂叫囂，而且挾着《風雲II》餘威，相信明年影、音界都會由他來掌舵。
名人界 何超蓮
何家有女初長成，賭王三姨太陳婉珍的幼女何超蓮，以往怕怕醜醜睇家姐超雲頭，沒想到拿了成人身份證後，隨即來個大解放，頻頻穿低胸露背裙穿梭ball場，近日甚至無懼寒風蝕骨，繼續以短裙打扮進出醫院，盡騷青春本錢，不讓超雲專美。年僅18歲的她，明年肯定大把世界。
惡搞界 Stephy
被網民惡搞而見報，都是保持人氣的一種方式。09年惡搞界，由傅穎、謝安琪及薛家燕鼎足而立，不過隨着Theresa赴台發展、謝安琪稍作收斂、薛家燕改圖又玩無可玩時，頭號惡搞人物忽然懸空，好彩仲有「惡搞玩伴」鄧麗欣（Stephy圖），期望她明年書展繼續扮才女出書，到時肯定有排玩。
網絡界 網民
2010年最具影響力的人，冇錯就係你！只要網民出一句聲、發一個post，便有千千萬萬網民和應。他們既可推胡囧囧落十八層地獄，又可令Laughing哥翻生；四奶奶鄧萃雯拿不到視后麼？拉隊到電視城靜坐抗議便成了。藝人的生死大權全在網民之手，連無綫總經理陳志雲都買他們怕。
Out到出晒界
（排名不分先後）Lavina（鍾蕙芝）、Rainbow（胡心諾）、羅力威、瑤瑤、黑girl、棒棒堂
