民建聯政治新星李慧琼去年當選九龍西議員，作為議會新丁，好多人都認為佢表現不俗，優於黨內其他新人，近日佢同黨友陳仲翔被紫藤批評盜用援交少女資料向外發佈，遭紫藤直斥可恥，更加令李慧琼人氣急升，由於佢係科技大學首個畢業生做議員，有人創作咗一首新歌《我的師姐李慧琼》，將佢譽為「科大之光」。
呢首歌由署名「762」網民創作，佢十分厚愛李慧琼，將佢同日本女藝人廣末涼子相提並論，歌詞有幾句係咁嘅：「我科大嘅師姐佢叫李慧琼，佢大我幾年我哋冇乜偈傾，我呢位師姐阿李慧琼，佢讀書有成都算好生性，終於我喺街，我見番李慧琼，佢搖身一變做咗政治明星。」YouTube有得聽呢首歌 http://www.youtube.com/watch?v=XbUwOfYdsGE