聖誕大小商場活動，一向是花旦小生賺快錢的重要時機。台慶頒獎禮失落男女視后的陳豪、佘詩曼，平安夜和聖誕都密密亮相，賺到錢的阿佘更想再買樓投資。不過視帝柴九反而無工開，似乎是留前鬥後，等到新年才登台出騷掘金。但阿佘直言不會送禮給鄭嘉穎，她說：「佢都冇送嘢畀我，點解我要送畀佢。」
一班《宮心計》的演員陳豪、佘詩曼等，前晚平安夜在荃灣出席聖誕活動，佘詩曼繼續食《宮心計》橋，即場餵陳豪食蓮子，問她可感尷尬？阿佘說：「唔尷尬，又唔使嘴對嘴，遲啲要同柴九，阿Mo一齊開劇，都怕到時俾佢哋整蠱。」阿佘指聖誕一早開工，平安夜只能和幾位女性友人食飯，問她有冇和鄭嘉穎交換禮物？她很大反應說：「冇！一向都冇！佢都冇送嘢畀我，點解我要送禮物畀佢？」。
她謂今日酬勞好，整年收入都不俗，她說：「可惜樓價太高，未來希望再買多一層做投資，家寄望下年啦。」
陳豪短訊冧碧兒
陳豪則自爆SMS傳短訊給緋聞女友廖碧兒，他說：「都會送啲同咖啡有關嘅嘢，佢都飲過我冲嘅咖啡，佢話好飲到講唔出口。」陳豪直認多得《宮》劇，帶挈聖誕搵錢機會大升，他坦言無懼人氣急升的柴九搶飯碗，更表示各有各搵。
另外，黎耀祥前晚一家到灣仔欣賞韓國跳舞組合Jump的演出，他透露一家人互送新衫作聖誕禮物。
柴九聖誕食白果
而昨日聖誕則陪同老婆家人慶祝，記者指他犧牲賺錢機會陪家人，祥仔笑說：「咁又好奇怪，聖誕檔期冇乜人搵我做嘢，反而農曆年就多，又會去美加登台，下個月又有annualdinner出席。」同場有參加《十人巷》結識崔健邦和鄺敏慧的成峻，他表示不知兩人拍拖多月，稍後會問候女方，至於對鄺敏慧的印象，成峻表示：「佢好顧家，努力賺錢養家，係個幾強嘅女仔。」
採訪、攝影：王崇穎、馬建華
