"They'vesentusamessagethattheycantakewhatevertheywant.ButwewillsendthemamessagethatTHISISOURLAND.（他們帶來訊息說他們會為所欲為，但我們將回應說，這是我們的土地。）"《阿凡達》（Avatar）呢句經典對白，隨時會喺1月8日嘅立法會議事堂外響起。
戲院門外派發傳單
立法會財委會將會喺1月8日再傾高鐵669億撥款。一方面政府已經提出延長會議時間，一副事在必行嘅姿態，另一方面「反高鐵．停撥款」大聯盟亦展開新一輪動員行動，發動市民當日下午一點半去立法會外監督議員，實行「1月8全民BIG爆立法會」。
呢班八十後反高鐵青年主意多多，見聖誕檔期占士金馬倫（JamesCameron）嘅3D電影《阿凡達》賣座，唔少朋友又話，戲中潘多拉星人抵抗地球礦石公司，同菜園村民堅持保衞家園嘅情節如有類同實屬巧合，佢哋馬上做嘢，由平安夜開始到今晚，組織年輕人到旺角、銅鑼灣放映《阿凡達》嘅戲院，向睇完套戲行出嚟嘅觀眾派傳單同嗌咪，希望把握住觀眾仲未消退嘅感動，將《阿凡達》嘅鬥爭連結到石崗菜園村嘅運動，呼籲佢哋1月8號齊齊請假逼爆立法會。
佢哋張傳單第一句就話：「回到地球，回到香港，回到現實世界，這裏也有一片等待着你去守衞的土地、綠色生活、更重要的是……守衞人和土地的連繫。」大聯盟成員朱凱迪仲話：「對號入座，菜園村高婆婆似唔似戲中女族長？」
聖誕大片借題發揮
潮流興對號入座，除咗《阿凡達》，好多人對聖誕檔期另一大片《十月圍城》都借題發揮，話套戲提醒大家香港一直以嚟嘅革命精神，唔知遲啲總辭公投，使唔使借用張學友飾演嘅興中會長楊衢雲，喺結志街被個學生問到「我哋會睇到中國民主嘅一天嗎？」時，答話「就算我睇唔到，你都一定睇得到。」呢一句嚟做文宣呢？
mailto:[email protected]