人生每段時刻都需要打拼才有望獲得回報，爭取愛情嘅時候亦都係一樣，就好似周三終「抱得美人歸」嘅香港「玻璃大王」第2代李聖根咁，唔係話有錢就咩都得，佢都要用一年多嘅時間，才打動中國網壇「四朵金花」之一嘅晏紫嘅芳心，證明「愛拼才會贏」嘅真正意義。
29歲嘅李聖根係香港上市公司信義玻璃（868）嘅執行董事，父親李賢義係福建人，他喺09年《福布斯》中國富豪榜排第118位，身家多達52.2億人民幣；之不過呢啲「身外物」晏紫根本冇咩興趣，當初李聖根喺06年以「商人」身份，希望晏紫做女朋友時，即時被晏紫一口拒絕。
網上情緣完美結局
祖籍四川嘅晏紫曾同鄭潔拍檔贏得06年澳網及溫網女雙冠軍，佢一向喺網球場上遇敵殺敵，真正欣賞嘅係有毅力、志氣嘅男子漢，遭遇「失敗」嘅李聖根亦都冇氣餒，持續一年多喺網上化身成網友「愛要堅持」，對賽場失利的晏紫加以無限量嘅鼓勵；後再以「真身」再向晏紫求愛，終以真誠打動晏紫，終於喺上周三拉埋天窗，他們一家更喺席上合唱《愛拚才會贏》，我求大俠亦被呢個愛情故事深受感動，在此衷心祝福佢哋白頭到老，永結同心吧！