陳柏宇昨日在九展舉行迷你音樂會，並邀請了鍾舒漫擔任嘉賓，陳柏宇事後接受訪問時說：「好開心，唱嘅部份可以再好啲，但真係好好玩，我畀70分自己，唔太低，留番進步空間畀自己。」
陳柏宇撐崔建邦
陳柏宇提到聖誕節會與朋友共敍，之後被問到崔建邦涉嫌襲擊女友一事，他說：「我識嘅佢好nice，成日都同我傾偈同我玩，我未見過佢發脾氣，若果件事真係惡化落去都會打畀佢安慰吓。」
鍾舒漫則大爆為遷就陳柏宇的身高，選擇不穿高跟鞋，她說：「佢實際上係高過我，唔係佢要求，不過自己識做啦。」之後她又提到聖誕節難得有假期，她說：「會工作中倒數，之後就返屋企佈置，因為fans送咗一棵聖誕樹畀我，所以打算返去執屋，佈置完再影啲相放上blog。」
採訪、攝影：藍文浩