【本報訊】泛民主派發起下周五元旦爭普選大遊行，民主黨黨鞭司徒華昨日呼籲港人再次站出來，向民主倒退的政改諮詢方案表達不滿，表明拒絕香港「澳門化」，「我哋要用我哋力量打破呢個困境，有好多嘢唔係只做一次、兩次，如果係正確嘅嘢，一定要終身堅持咁做落去。」對於公民黨、社民連即將落實「五區總辭、變相公投」，司徒華指不會以私人身份為候選人助選，認為只要有民意支持，候選人便能勝出。
不會為公投站台
司徒華昨日出席網上電台節目時，主持人播出一段他8月接受now新聞台訪問的錄音。當時司徒華指，泛民候選人勝出今次五區補選機會非常大，因為泛民和保皇派在立法會得票率一直都是六、四之比，認為今次五區請辭的議員，再參選定會得到市民支持。司徒華當時又指，由於本港法律並無公投制度，故透過今次補選作為公投，是一次對民意的測試，一旦泛民全勝，得票將會「非常多」，「政府唔一定執行，但已反映好大民意。」
司徒華昨日強調從未「轉軚」，指有關言論只是「積極回應」社民連，避免對方佔領道德高地，「呢個唔係轉變，呢個係睇吓民意反應係點。」司徒華又指，個人不會為補選候選人站台助選，認為外界不應將泛民敗選責任推給民主黨，「如果係咁，我就話佢哋姓賴。」