五區公投如箭在弦，公民黨、社民連磨拳擦掌準備出擊，建制派方面都有異動，據網上其中一個熱門網誌「陳大文部落」透露，日前有兩個掛上蔡素玉辦事處人員名牌的女子上門，表示可為街坊做選民登記手續。
呢位博客家住北角，佢話民記忽然搞選民登記活動，令人聯想到可能為明年選舉做工夫，家陣總辭還未實行，民建聯已快人很多步預先招攬新票源，而派出嘅職員都係年輕女職員，策略十分醒目。
派員做登記選民
八方向蔡菜子查證，佢證實辦事處派員為居民做選民登記，但強調只係例行工作，唔係為咗出年選舉，佢又強調自己早已表態冇興趣出選。
蔡菜子唔出山，似乎係要讓路黨內新星張國鈞，據八方了解，建制派似已有默契，明年選舉可派新人試陣，但知名度高者還是首選，因為一旦大敗輸得太難睇，公投結果便會令北京、港府面對很大壓力，因此不容有失。