由多個《基本法》諮詢及起草委員創立嘅工商專業聯會（工商專聯）有近20年歷史，算係香港最早期民間智庫之一，近年不太活躍，成員亦甚低調，噚日卻忽然發出聲明，澄清無刊登廣告評論政改問題。
事緣有個自稱「香港工商專業聯會會長楊志強」嘅人，噚日喺個別報章刊登題為「激進主義在香港的萌發與前景」廣告，近日又以同一名義發表討論政改文章，正牌工商專聯指呢位楊先生同佢哋冇關，刊登嘅廣告、文章亦唔關工商專聯事，為免外界誤會，有必要澄清，但未決定是否追究。
八方翻查資料，發現有個「時事評論員」楊志強不時以「香港工商專業聯會創會會長」議政，佢創立嘅聯會同工商專聯僅一字之差，確係一絕。